Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
26. október. 2009 04:28

Sóknaráætlun stjórnvalda skilgreinir stærra höfuðborgarsvæði

Á vegum forsætisráðuneytisins hafa verið kynnt áform um að skipta landinu upp í sjö svæði til að flýta endurreisn efnahagslífsins. Í þeim tilgangi verður höfuðborgarsvæðið stækkað og skilgreint upp á nýtt. Nær það nú upp í Borgarnes, með Akranesi, og austur að Selfossi.  Þessi nýja skipting á að efla getu svæða til þess að taka að sér ný verkefni, styrkja samkeppnishæfni svæða og landsins í heild.  Á næstu mánuðum verða mótaðar sóknaráætlanir í öllum landshlutum samkvæmt þessari nýju skiptingu sem samþykkt hefur verið í ríkisstjórn. Heimamenn á hverju svæði um sig og fjöldi hagsmunaaðila, stofnana og ráðuneyta munu koma að verkinu undir forystu landshlutasamtaka og stýrihóps Sóknaráætlunar, sem starfar á vegum forsætisráðuneytisins, meðal annars með þátttöku fimm ráðherra ríkisstjórnarinnar.

Sjá mynd af nýjum svæðum HÉR

Svæðaskiptingin er hugsuð til að ná megi nauðsynlegri viðspyrnu við endurreisn efnahagslífsins. Í henni felst m.a. sýn á að nýtt og stærra höfuðborgarsvæði sem þurfi að starfa sem eina heild. Nær það frá Reykjanesi í Borgarnes og yfir á Árborgarsvæðið. “Borgarnes, Akranes og Árborg eru þó jafnframt máttarstólpar á Vesturlandi og Suðurlandi og munu koma að gerð áætlana fyrir þau svæði,” segir í frétt frá ráðuneytinu.

 

Þá segir að fjölmargir þættir munu fléttast saman við mótun sóknaráætlana í heildstæða áætlun, m.a. atvinnumál, umhverfismál, menntamál, samgöngumál, endurskipulagning opinberrar þjónustu og efling sveitarstjórnarstigsins. “Ætlunin er að hver áætlun byggi á greiningu á styrkleikum og veikleikum hvers svæðis, skýrri forgangsröðun og framtíðarsýn sem góð samstaða er um. Markmið með svæðaskiptingu þessari er að mynda stór og öflug atvinnu- og þjónustusvæði fyrir íbúa landsins. Með svæðaskiptingunni verður leitast við að styrkja samkeppnishæfni svæða og landsins í heild, stuðla að markvissari uppbyggingu opinberrar þjónustu um allt land og skilvirkari verkaskiptingu milli ríkis og svæða/sveitarfélaga, efla getu svæða og sveitarfélaga til að taka að sér verkefni og þannig stuðla að aukinni valddreifingu, auka samstarf sveitarfélaga og skilvirkni við nýtingu fjármagns og byggja upp öflugt höfuðborgasvæði (suðvestursvæði) sem þjónar öllu landinu og styður við uppbyggingu um allt land.”

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is