Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
30. október. 2009 12:12

Grænt ljós frá Framkvæmdasjóði á stækkun Höfða

Stjórn Framkvæmdasjóðs aldraða samþykkti á fundi sínum í gær umsókn stjórnar Dvalarheimilisins Höfða á Akranesi vegna fyrirhugaðrar stækkunar heimilisins um 440 fermetra til suðurs. Sjóðurinn ætlar að styrkja verkefnið um 79 milljónir, en þetta var síðasti hlekkurinn sem vantaði í fjármögnun framkvæmdarinnar sem áætlað er að kosti liðlega 250 milljónir króna.  Guðjón Guðmundsson framkvæmdastjóri Höfða segir þessa ákvörðun stjórnar Framkvæmdasjóðs aldraða mikið fagnaðarefni. En hún var gerð með fyrirvara um samþykki ráðherra eins og venjan er með opinbera sjóði. „Stjórn Höfða mun væntanlega hittast í næstu viku og ég á ekki von á öðru en verkið geti hafist á næstu vikum,“ sagði Guðjón. Stjórn Höfða er búin að bíða alveg frá bankahruni eftir ákvörðun stjórnar Framkvæmdasjóðs aldraða. Þegar ekki tókst að ákvarða um málið í fundi í janúar, lenti það í tveimur breytingum á ríkisstjórnum. Það kostaði drátt á skipan nýrra stjórna í sjóðnum. Þegar það síðan loksins gerðist tók nýja stjórnin vel á málum undir stjórn formannsins Rannveigar Guðmundsdóttur.

Viðbyggingin á Höfða mun leysa úr miklum þrengslum á dvalarheimilinu sem einkum eru í matsal, samkomusal, dagvist, sjúkraþjálfun og eldhúsi, sem þjónar orðið stórum hópi aldraðra og öryrkja úti í bæ sem fá senda heim matarbakka. Þá var á síðasta fundi stjórnar Höfða ákveðið að fara í breytingar á deildum heimilisins til að bæta aðstöðu heilabilaðra á heimilinu. Að sögn Guðjóns Guðmundssonar framkvæmdastjóra Höfða er það sérstök framkvæmd og snertir ekki væntanlega viðbygginu Höfða.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is