Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
12. nóvember. 2009 08:03

Mánudagsmenning í Vinaminni

Á Degi íslenskrar tungu mun Kammerkór Akraness verða með dagskrá á Mánudagsmenningu í Vinaminni. Þar mun kórinn flytja íslenska kórtónlist við glæsilega texta íslenskra skálda. Einnig mun Jakob Þór Einarsson leikari koma fram. Dagskráin verður í tali og tónum þar sem áheyrandinn fær góða innsýn inn í það sem flutt verður og jafnvel fær að taka þátt. Á meðal þeirra íslensku skálda sem verður gert hátt undir höfði má nefna Hallgrím Pétursson, sr. Ólaf Jónsson frá Söndum, Jónas Hallgrímsson, Magnús Eiríksson og Megas.  Kammerkór Akraness var stofnaður í ársbyrjun 2004. Kórinn hefur ekki fasta æfingatíma en kemur saman reglulega og vinnur þá  að ákveðnum verkefnum.

Kórinn hefur sungið við helgihald í Akraneskirkju og á Hólahátíð, auk þess sem hann hefur komið fram á tónleikum víða um land. Meðal andlegra verka sem flutt hafa verið er Messe Basse eftir Gabriel Fauré og Kantata nr. 61 eftir J. S. Bach, Nun komm der Heiden Heiland. Veturinn 2007-2008 flutti kórinn efnisskrá sem unnin var upp úr bókunum Ljóð og lög sem Þórður Kristleifsson vann efni í, og út komu á árunum 1939-1949.

 

Dagskráin í Vinaminni hefst kl. 20:30 og aðgangseyrir er kr. 1000. Stjórnandi er Sveinn Arnar Sæmundsson.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is