Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
08. desember. 2009 11:05

Krefjast þess að ráðherra hætti árásum á velferðarkerfið

Árni Páll fær harða ádrepu frá StéttVest
Stjórn Stéttarfélags Vesturlands skorar á félagsmálaráðherra að draga til baka frumvörp til laga um breytingar á atvinnuleysistryggingum og fæðingarorlofi sem hann hefur lagt fram. Í ályktun sem stjórn félagsins hefur samþykkt segir:  “Vandi atvinnuleysistryggingasjóðs er ekki skortur á lagaúrræðum heldur skortur á fjármunum og starfsfólki til að fylgja gildandi lögum eftir. Vandi atvinnulausra verður ekki leystur nema með framboði á atvinnu eða virkum vinnumarkaðsúrræðum. Enginn verður sveltur til vinnu þegar vinnu er ekki að hafa. Þau hertu refisákvæði sem í frumvarpinu felast munu einungis valda því að þeir sem af einhverjum ástæðum hrekjast af greiðsluskrá Greiðslustofu þurfa að leita á náðir félagsþjónustu sveitarfélaganna, sem einnig er vanbúin að leysa vanda þessa hóps.”

Þá kemur fram í ályktuninni að verkalýðshreyfingin hefur lengi óskað eftir því að fá að koma til hjálpar við að vinna úr þeim vanda sem atvinnulausir glíma við, en stjórnvöld hafi í raun hafnað öllum hugmyndum þar um og stundum með fáránlegum rökum. “Hafa stjórnvöld gleymt því að þetta eru réttindi sem verkalýðsreyfingin hefur byggt upp með blóði svita og tárum,” spyr stjórn Stéttarfélags Vesturlands.

 

Áunninn réttur

Hvað varðar hugmyndir ráðherra um breytingar á greiðslum úr fæðingarorlofssjóði, þá verða þær verri eftir því sem fleiri hugmyndir koma fram, segir í ályktun félagsins. “Greiðslur til verðandi foreldra hafa á sl. ári verið skertar langt umfram kröfur ríkisstjórnarinnar um niðurskurð til velferðarmála. Nú er mál að ráðherra hætti þessum árásum á velferðarkerfið, áður en hann eyðileggur fleiri möskva í því öryggisneti sem verkalýðshreyfingin hefur hnýtt fyrir sitt fólk, sem landsmenn hafa allir notið góðs af. Vissulega er fjárþörf til uppbyggingar, en þeir fjármunir verða ekki sóttir í vasa atvinnulausra eða foreldra í fæðingarorlofi, leita verður annarra leiða,” segir að lokum í ályktun stjórnar Stéttarfélags Vesturlands.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is