Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
09. desember. 2009 11:29

Málþing um sjávarfang í sjávarbyggð

Síðastliðinn mánudag var málþing í Klifi með yfirskriftinni “Sjávarfang í sjávarbyggð, hvar liggja tækifærin?”  Fyrir málþinginu stóð Átthagastofa Snæfellsbæjar sem fer með verkefnisstjórn Krókaverkefnisins og var það liður í að styðja við þá sjávartengdu vöruþróun sem unnið er að í því verkefni.  Málþingið naut stuðnings frá Gáttum, SSV - þróun og ráðgjöf og Snæfellsbæ.  Um 20 þátttakendur voru á þinginu, fulltrúar útgerða, fiskverkenda og fiskmarkaðar, auk aðila úr veitinga- og ferðaþjónustu á Snæfellsnesi, m.a. þátttakendur úr Krókaverkefninu og fulltrúar bæjarfélaga og stoðfyrirtækja atvinnulífsins.  Markmið málþingsins voru að hvetja til vöruþróunar og aukins framboðs á fiskafurðum af heimaslóð á Snæfellsnesi með því að koma á tengslum veitingamanna og fiskverkenda á Snæfellsnesi.

Þá var því ætlað að vekja athygli á mikilvægi þess að almenningur, bæði íbúar Snæfellsness og gestir, eigi greiðan aðgang að fiskafurðum, ferskum og vel framreiddum. Einnig var málþinginu ætlað að draga fram mikilvægi sjávartengingar svæðisins, hvað varðar vöruþróun, ímynd og markaðssetningu á Snæfellsnesi og skerpa um leið á sjálfbærnihugsun.

 

Ferskan fisk á heimaslóð

Í upphafi kynnti Kristín Björg Árnadóttir, verkefnastjóri Átthagastofu Snæfellsbæjar Krókaverkefnið og sagði frá aðdraganda málþingsins. Guðmundur Heiðar Gunnarsson stöðvarstjóri MATÍS á Höfn í Hornafirði flutti erindi sem fjallaði m.a. um iðnvæðingu matvæla og virðiskeðjuna sem erfitt hefur verið að brjótast inní. Þróunin undanfarið hefði hins vegar verið sú að reyna að stytta keðjuna og opna hliðargötur eins og  ,,slow food" og ,,local food". Hann sagði einnig frá viðleitni heimamanna á Hornafirði til að auka framboð og bæta aðgengi að ferskum fiski á heimaslóð og frá heimamarkaði með fisk og önnur matvæli sem heimamenn þar hafa opinn einu sinni í viku yfir vetrartímann. Guðmundur Heiðar kynnti einnig Matarsmiðju Matís þar sem frumkvöðlum og litlum fyrirtækjum býðst tækifæri til að stunda vöruþróun og hefja smáframleiðslu á matvælum gegn vægu leigugjaldi. Þannig spara þeir sér fjárfestingu í dýrum tækjabúnaði strax í upphafi rekstrar. Erindi Guðmundar Heiðars vakti málþingsgesti til umhugsunar um þau tækifæri sem til staðar eru á Snæfellsnesi.

 

Fiskisúpa slóða - milli matarkróka

Torfi Jóhannesson, framkvæmdastjóri Vaxtarsamnings Vesturlands, flutti einnig erindi um þróun á matarmerki Vesturlands.  Settar hafa verið reglur um notkun merkisins og gefst matvælaframleiðendum kostur á að sækja um leyfi fyrir notkun á merkinu. Hægt er að sækja nánari upplýsingar á heimasíðu Vaxtarsamningsins.

Að erindum loknum ræddu þátttakendur um tækifæri Snæfellinga til að nýta betur sjávarfang á heimaslóð og hvernig stuðla mætti að frekari þróun í þeim efnum.  Um fundarstjórn, umræður og samantekt niðurstaðna sá Björg Ágústsdóttir hjá ráðgjafarfyrirtækinu ALTA.

“Mjög góðar umræður spunnust um efnið og greinilegt að mikill hugur var í fundargestum. Ekki spillti fyrir að fundargestir gæddu sér á forláta fiskisúpu með sjávarfangi úr Breiðafirði í hádeginu.  Næstu skref felast í að vinna frekar úr þeim hugmyndum sem fram komu. Væntingar um vöruþróun í framhaldi af málþinginu ganga m.a. út á að hægt verði að koma á laggir og kynna formlegan „fiskisúpu slóða“ milli „matarkróka“ á Snæfellsnesi. Þá verður komið á fót fisksölu með ferskum fiski til almennings á Snæfellsnesi,” segir Margrét Björk Björnsdóttir verkefnisstjóri hjá Átthagastofa Snæfellsbæjar.

 

Nánari upplýsingar um málþingið:

 

https://sites.google.com/a/alta.is/sjavarfang/

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is