Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
14. desember. 2009 10:15

Loftslagsvaka var á þremur stöðum

Hlýindi og úrhellisrigning settu svip sinn á loftslagsvöku, sem haldin var í Borgarnesi sl. laugardag. Vakan var ein þriggja sem haldin var á Íslandi þennan dag til að minna á mikilvægi þess að leiðtogar þjóða heims nái bindandi samkomulagi um loftslagsmál á loftslagsráðstefnunni sem nú stendur yfir í Kaupmannahöfn. Auk vökunnar í Borgarnesi voru haldnar loftslagsvökur í Stykkishólmi og í Reykjavík á laugardaginn. Skilaboðum frá öllum loftslagsvökum heimsins verður komið inn á leiðtogafundinn í Kaupmannahöfn í formi stuttra frásagna og mynda.

Loftslagsvökur voru haldnar um allan heim um helgina og er vitað um 3.259 slíkar í 139 þjóðlöndum. Fyrirkomulagið var með ýmsu móti, en alls staðar bar fólk spjöld og borða til að leggja áherslu á kröfuna um metnaðarfullt, bindandi og réttlátt samkomulag um aðgerðir til að sporna gegn loftslagsbreytingum af mannavöldum. Hugmyndin að þessum loftslagsvökum kviknaði í grasrótarsamtökum sem vinna að loftslagsmálum, en þar ber einna mest á samtökunum tcktcktck og 350. Síðarnefndu samtökin leggja áherslu á að styrk koltvísýrings í andrúmsloftinu verði náð niður í 350 milljónustuhluta (350 ppm), en vísindamenn telja að þannig megi halda hlýnun jarðar innan við 1,5°C miðað við það sem var fyrir iðnbyltingu.

 

Loftslagsvakan í Borgarnesi var haldin við hliðið inn í Skallagrímsgarðinn. Með því var lögð áhersla á mikilvægi langtímahugsunar í loftslagsmálum, en fyrir innan hliðið er talið að Skallagrímur Kveldúlfsson hafi verið heygður árið 946. Strekkingsvindur og mikil rigning komu í veg fyrir að hægt væri að kveikja á kertum á loftslagsvökunni, en þar áttu tólgarkerti frá Bjarteyjarsandi að vera í aðalhlutverki. Meirihluti þeirra kerta sem Íslendingar hafa brennt síðustu árin eru hins vegar olíuafurðir, sem auka jafnt og þétt á loftslagsvandann. Tólgarkerti eru hlutlaus hvað það varðar, auk þess sem litla olíu þarf til að flytja kerti frá Bjarteyjarsandi til Borgarness.

 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is