Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
27. desember. 2009 11:18

Hinn guðdómlegi gleðileikur er í kvöld

Líkt og á jólunum í fyrra verður “Hinn guðdómlegi gleðileikur um fæðingu Jesú Kristí,” fluttur í Borgarnesi í kvöld, þriðja dag jóla. Það er Kjartan Ragnarsson sem hafði veg og vanda að uppfærslu leikritsins í fyrra, en ásamt honum samdi Unnur Halldórsdóttir verkið. Að sögn Kjartans er hugmyndin sú að endurtaka dagskrána frá því í fyrra með sem líkustu sniði. “Við verðum með sama háttinn á þessu núna. Dagskráin hefst með bænastund í Borgarneskirkju sem stendur yfir í 5-10 mínútur. Eftir það afhenda félagar í björgunarsveitinni Brák gestum 500 blys en þá verður gengið niður Himnastigann að Tónlistarskóalnum. Þar syngur söngfólk Hina helgu nótt. Eftir það verður gengið áfram að Menntaskóla Borgarfjarðar og í hátíðarsalnum verður leikritið um fæðingu Jesú sýnt. Verkið tekur 45 mín og er allt í rímuðu máli,” segir Kjartan.

Í flutningi Hins guðdómlega gleðileiks taka þrír kórar þátt, það er Kammerkór Vesturlands, Freyjukórinn og Barnakór Borgarneskirkju. Auk þess verða 15 leikarar í sýningunni, allskyns stórleikarar að sögn Kjartans. “Þarna verða til dæmis þrír rektorar í hlutverki vitringa, lögreglustjórinn leikur Ágústínus, Gísli Einars fer með hlutverk hins grimma Heródesar og Páll bæjarstjóri verður pínulítill sendiboði. Þetta er gleðistund þar sem Vestlendingar geta átt sameiginlega, notalega en skemmtilegu samverustund á jólin. Vonandi verður þetta alltaf fastur liður á þriðja degi jóla hér í Borgarnesi,” segir Kjartan Ragnarsson.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is