Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
21. desember. 2009 07:04

Jakob er íþróttamaður Dreyra 2009

Hér sýnir Jakob Asa frá Lundum II á FM.
Stjórn hestamannafélagsins Dreyra á Akranesi og í Hvalfjarðarsveit hefur valið Jakob Svavar Sigurðsson íþróttamann félagsins fyrir árið 2009. Dreyri tilnefndi Jakob einnig í fyrra og náði hann 3. sæti í kjöri íþróttamanns Akraness 2008.  “Í ár hefur Jakob ekki setið auðum höndum frekar en fyrri ár og hefur náð mjög góðum árangri bæði í  gæðingakeppni, hestaíþróttum og sýningum kynbótahrossa.  Þar hefur hann verið í hitunni meðal allra bestu knapa Íslands enda er ljóst að í þeim hópi er hann búinn að festa sig í sessi með frábærum árangri,” segir í umsögn stjórnar Dreyra.

Jakob sýndi 69 kynbótahross á árinu og fengu 35 þeirra 8,00 eða hærra í aðaleinkunn, sem er mjög góður árangur.  Stóðhesturinn Kaspar frá Kommu fékk sem dæmi 10 fyrir brokk í höndum Jakobs en slíkar einkunnir eru afar fátíðar. Af þátttöku hans í mótum á árinu má glöggt sjá að árangur Jakobs er afar góður.

Meðal árangurs hans á árinu má nefna fyrsta sætið í gæðingafimi í Meistaradeild VÍS. Þar keppti hann á Auði frá Lundum II. Saman náðu þeir öðru sæti í fjórgangi í sömu keppni. Á vetrarmótum Grana á Hvanneyri varð hann í 3. sæti í fjórgangi á Hæringi frá Litla Kambi og 1. sæti í tölti á Prinsessu frá Birkihlíð. Á gæðingamóti Fáks varð hann í 1. sæti í 100 m skeiði á Fellingu frá Hákoti og 2. sæti í B flokki á Kaspari frá Kommu. Á íþróttamóti Faxa varð hann í fyrsta sæti í fimmgangi á Verði frá Árbæ og 1. sæti í tölti á Gíg frá Hvítanesi. Þá sigraði hann gæðingakeppni Dreyra í B flokki á Kaspari. Á gæðingamóti Faxa sigraði hann í B flokki á Hæringi og varð í 2. sæti í A flokki á Blæ frá Hesti. Þá sigraði hann íþróttamót Snæfellings á Gíg frá Hítarnesi. Á íþróttamóti Þyts á Hvammstanga varð hann í efsta sæti í fimmgangi á Verði frá Árbæ og efsta sæti í tölti á Gíg frá Hvítanesi.

 

Á fjórðungsmótinu í sumar varð Jakob meðal annars í 2. sæti í B flokki á Kaspari og 2. sæti í A flokki á Blæ frá Hesti. Þá sýndi hann fjölda kynbótahrossa sem mörg hver náðu langt á mótinu. Þar var 4v stóðhesturinn Asi frá Lundum II efstur, en einnig náði hann langt með hrossin Stikil frá Skrúð, Þyt frá Skáney, Þórdísi frá Leirulæk, Þernu frá Spágilsstöðum og mörg fleiri hross. Að endingu ber að nefna að á Uppskeruhátíð LH hlaut hann tvær tilnefningar, bæði sem kynbótaknapi ársins og gæðingaknapi ársins.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is