Hirðingjar og fjölskylda Jósefs. Ljósm. SL.

Hinn guðdómlegi gleðileikur - leikverk í bundnu máli um fæðingu Jesú Kristí, var fluttur í Borgarnesi í gærkvöldi, þriðja dag jóla. Þetta er í annað sinn sem verkið er flutt þennan dag, en það er samið af þeim Kjartani Ragnarssyni og Unni Halldórsdóttur og leikstýrt af Kjartani. Dagskráin hófst með bænastund í Borgarneskirkju en þaðan var gengið að Tónlistarskóla Borgarfjarðar þar sem fjórir söngmenn fluttu jólasálm af svölum hússins.  Eftir sönginn var gengið að Menntaskóla Borgarfjarðar og helgileikurinn fluttur í hátíðarsalnum. Alls tóku þrír kórar þátt í flutningnum; Kammerkór Vesturlands, Freyjukórinn og Barnakór Borgarneskirkju. Þá tóku margir áhugaleikarar þátt í sýningunni en flestir þeirra eru þekktir fyrir sitthvað annað en leik í sínum daglegu störfum.