Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
30. desember. 2009 08:05

Borgarafundur um Miðaldaböð við Deildartunguhver

Miðvikudaginn 13. janúar næstkomandi verður haldinn borgarafundur um hugmyndir að Miðaldaböðum við Deildartunguhver. Fundurinn fer fram í félagsheimilinu Logalandi í Reykholtsdal og hefst klukkan 20.30. Fyrst munu aðstandendur hugmyndarinnar að Miðaldaböðum kynna hugmyndina, hvernig hún kom til, stöðu hennar í dag og síðan fyrstu drög að teikningum Miðaldabaðanna.  Eftir stutt kaffihlé verða almennar umræður. Þingmönnum kjördæmisins verður boðið á fundinn en fundarstjóri verður Sveinbjörn Eyjólfsson.  Að sögn Kjartans Ragnarssonar í Borgarnesi, sem unnið hefur að framgangi hugmyndarinnar, fékk verkefnið skömmu fyrir jól gott brautargengi en þá úthlutaði Tækiþróunarsjóður átta milljónum króna til þess.

“Með þessum veglega styrk má segja að þróunar- og undirbúningsvinna komist á fullan skrið,” segir Kjartan og bætir við að opinberi styrkur sem þessi hvetji einnig væntanlega fjárfesta og fjárfestingasjóði til að koma að málinu. “Við erum í samtölum við fleiri en einn og fleiri en tvo til að setja fjármagn í verkefnið þó ekkert sé enn í hendi. Hagfræðingar hjá Samtökum sveitarfélaga á Vesturlandi eru búnir að vinna ítarlega kostnaðar- og rekstraráætlun fyrir Miðaldaböðin og allar tölur um rekstur í þeim eru mjög lofandi. Það hvetur okkur líka sú staðreynd að þau tvö fyrirtæki sem eru að reka náttúruböð hér á landi, Jarðböðin í Mývatnssveit og Bláa lónið á Reykjanesi, eru þau fyrirtæki sem ganga hvað best á Íslandi í dag í ferðaþjónustu. Því er þó ekki að neita að Miðaldaböðin eru afskaplega dýr í stofnkostnaði, en áætlað er að 750 milljónir króna muni kosta að koma upp fyrsta áfanga þess,” segir Kjartan. Hann bætir því við að eins og ástandið sé í þjóðfélaginu í dag þurfi að minnsta kosti helmingur stofnkostnaðar að koma frá þolinmóðum fjárfestum. “Þetta munum við kynna allt nánar á fundi með íbúum Borgarbyggðar og öðrum sem áhuga hafa á að kynna sér málið í Logalandi 13. janúar næstkomandi.”

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is