Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
04. janúar. 2010 01:51

Fjárhagsáætlun Stykkishólmsbæjar afgreidd

Fjárhagsáætlun Stykkishólmsbæjar fyrir árið 2010 var samþykkt á fundi bæjarstjórnar 17. desember sl.  Tekjur A og B hluta eru áætlaðar 1.013.299 m.kr. en rekstrargjöld 944.817 m.kr. Fjármagnsliðir eru 74,0 m.kr. Gjöld umfram tekjur verða því um 5,6 m.kr. Handbært fé frá rekstri er áætlað 103,3 m.kr., fjárfestingar 120 m.kr., afborganir langtímalána 112,9 m.kr., lántaka verður 120,0 m.kr. og handbært fé í árslok er áætlað 29,8 m.kr. Í bókun bæjarstjórnar frá fundinum segir að eins og áætlanir fyrri ára sé fjárhagsáætlun unnin í góðu samstarfi meirihluta og minnihluta bæjarstjórnar Stykkishólmsbæjar.

 

 

 

“Áætlunin var unnin við mjög sérstakar aðstæður í þjóðfélaginu þar sem mikill samdráttur er í efnahagslífinu og óvissa er mikil. Stykkishólmsbær þarf eins og önnur sveitarfélög að taka tillit til þessa raunveruleika í áætlunum sínum fyrir árið 2010. Við slíkar aðstæður er nauðsynlegt að fylgjast gaumgæfilega með framvindu kostnaðar og vera með áætlunina í sífelldri endurskoðun ef þörf er á. Einnig er mjög mikilvægt að menn standi saman og vinni saman að því að verja þjónustu við íbúana í bænum. Við áætlanagerðina var gengið út frá því að bæjarfélagið bjóði íbúum upp á sömu þjónustu og áður,” segir í bókun bæjarstjórnar Stykkishólmsbæjar.

 

Þá þakkar bæjarstjórn í bókun sinni forstöðumönnum stofnana og skólastjórnendum fyrir þeirra hlutdeild við að gæta aðhalds í rekstri og þar með gera það mögulegt að halda áfram óbreyttu þjónustustigi við íbúa Stykkishólms. Einu hækkanir á gjaldskrám Stykkishólmsbæjar sem ekki eru nú þegar bundnar breytingum á vísitölu neysluverðs eru annars vegar 10% hækkun á fæðiskostnaði í leikskólanum en fæðiskostnaðurinn hefur ekki hækkað síðan 2003, og hins vegar hækkun um 7% á sorphirðugjaldi skv. byggingavísitölu. Álagningaprósentur fasteignagjalda hækka ekki. Útsvar verður óbreytt á árinu 2010 eða 13,28%.

 

Þá segir í bókuninni að við fjárhagsáætlanagerðina hafi einnig verið lögð áhersla á mikilvægi þess að bæjarfélagið standi fyrir framkvæmdum á þessum tímum enda er fjárhagsleg geta til þess hjá Stykkishólmsbæ. Með tilliti til þessa sé áætlað að hefja byggingu við nýtt húsnæði fyrir tónlistarskólann við Grunnskólann í Stykkishólmi.

Áætlun ársins 2010 er sögð endurspegla góða fjárhagsstöðu Stykkishólmsbæjar og tryggja íbúum sveitarfélagsins áframhaldandi góða þjónustu.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is