Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. janúar. 2010 07:21

Þrettánda Unglingalandsmót UMFÍ verður í Borgarnesi í sumar

Í dag var tilkynnt að 13. Unglingalandsmót UMFÍ verður haldið í Borgarnesi í sumar, en stjórn Ungmennafélags Íslands komst að þessari niðurstöðu á fundi sínum fyrr í dag. Unglingalandsmót hefur aldrei áður verið haldið í Borgarnesi en landsmót var haldið þar 1997 en í aðdraganda þess var byggð upp stórglæsileg íþróttaaðstaða í bænum. Fimm aðilar sóttu um að halda mótið í kjölfar þess að Grundfirðingar gáfu það frá sér. Þetta voru auk Ungmennasambands Borgarfjarðar; USVS,  HSK, HSÞ auk  UFA og UMSE sem sóttu í sameiningu um að halda mótið. Á stjórnarfundi UMFÍ sem haldinn var 5. desember lá fyrir bréf frá HSH um að mótið færi fram í Grundarfirði og Stykkishólmi. Stjórn UMFÍ féllst ekki á það og var ákveðið að auglýsa eftir nýjum mótshaldara.

„Það var samdóma niðurstaða stjórnar UMFÍ að mótið yrði í Borgarnesi meðal annars  vegna þess að mótið hefur aldrei áður verið þar haldið. Ennfremur er öll aðstaða til fyrirmyndar í Borgarnesi. Okkur hlakkar mikið til að vinna með Borgnesingum að undirbúningi mótsins," sagði Helga Guðrún Guðjónsdóttir formaður UMFÍ á vef félagsins.

 

 

Friðrik er í sjöunda himni 

„Við erum afar kát með að við fáum að halda unglingalandsmótið í sumar. Við erum í raun í sjöunda himni með þessa niðurstöðu. Það er mikill áhugi á meðal heimamanna að fá mótið og nú liggur ekkert annað fyrir en að hefja undirbúninginn. Við höfum áður sótt um að halda mótið og því var mjög ánægjulegt að fá mótið núna," sagði Friðrik Aspelund formaður Ungmennasambands Borgarfjarðar eftir að niðurstaða stjórnar UMFÍ lá fyrir í dag hvar 13. Unglingalandsmót UMFÍ yrði haldið í sumar. Friðrik sagði við tíðindamann UMFÍ í dag að öll aðstaðan í Borgarnesi væri meira og minna tilbúin og það þyrfti að ráðast í litlar sem engar framkvæmdir. „Fjárútlát sveitafélagsins verða lítil,“ sagði Friðrik. ,,Okkur er ekki til setunnar boðið og nú má segja að við hefjum undirbúning fyrir mótið af fullum krafti. Það eru spennandi tímar fram undan," sagði Friðrik Aspelund.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is