Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
27. janúar. 2010 01:01

Bláskel úr Breiðafirði á betri veitingahúsum í borginni

Nú eru betri veitingahús í Reykjavík farin að bjóða upp á ferskan og nýjan krækling, bláskel úr Breiðafirðinum. Tvö síðustu ár hefur Íslensk bláskel ehf. í Stykkishólmi verið með kræklingalínur úti á Breiðafirði um fimm mílur frá Stykkishólmi. Fyrirtækið er komið með vinnsluleyfi og er kræklingurinn úr Breiðafirði byrjaður að fara í gegnum hendur færustu matreiðslumanna landsins, t.d. Jóhannesar Jóhannessonar á Vox sem valinn hefur verið matreiðslumaður ársins síðustu tvö árin og Úlfars Eysteinssonar á Þremur frökkum. Þá er fiskibúðin Fylgifiskar á Suðurlandsbraut með skelina í smásölu.

 

 

 

Símon Sturluson er framkvæmdastjóri Íslenskrar bláskeljar en meðeigendur hans í félaginu eru Alex Páll Ólafsson og Þorsteinn Kúld Björnsson. Símon segir að bláskelin sé nú sótt vikulega út á línurnar í því magni sem salan sé hverju sinni. „Við ætlum að hafa stöðugt framboð mestan hluta ársins og stíla eingöngu á íslenska markaðinn, allavega til að byrja með. Við eigum í sokkum um 10-15 tonn af markaðshæfri bláskel og stefnum á að eiga 40-50 tonn næsta haust. Eftirspurn er frá veitingahúsum í Reykjavík og matreiðslumeisturum þykir skelin holdmikil og góð. Þá stefnum við á að bláskel verði í boði á flestöllum veitingastöðum á Snæfellsnesinu í sumar sem „matur úr héraði“ og erum við að vinna með Sæþóri á Narfeyrarstofu sem hefur hjálpað okkur mikið við markaðssetningu og vöruþróun. Nú þarf bara að kynna þessa vöru vel fyrir Íslendingum, kenna landanum að borða bláskel.“

 

Nánar er rætt við Símon í Skessuhorni vikunnar.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is