Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
09. febrúar. 2010 06:31

Dýrfinna útnefnd bæjarlistamaður Akraness

Gunnar Sigurðsson, Dýrfinna og Þorgeir Jósefsson.
Við athöfn í Bæjarþingsalnum á Akranesi síðdegis í dag var tilkynnt að Dýrfinna Torfadóttir gullsmiður og skartgripahönnuður verði bæjarlistamaður Akraness næsta árið. Í rökstuðningi stjórnar Akranesstofu fyrir tilnefningunni segir meðal annars að Dýrfinna hafi vakið athygli víða um land fyrir skartgripi sína og margvíslega hönnun. Um leið hafi hún vakið athygli á Akranesi með störfum sínum og listsköpun. Hún hafi m.a. skipulagt heimsóknir hópa gesta og ferðafólks til bæjarins til að kynna þeim listsköpun og menningu á Akranesi og allt það sem bærinn hefur upp á að bjóða. Í greinargerðinni segir ennfremur að Dýrfinna hafi sem skartgripahönnuður skapað sér sérstakan og persónulegan stíl, sem einkennist af frumlegri og oft óhefðbundinni efnismeðferð og djarfri útfærslu.

Með þessu hafi hún skipað sér í röð eftirsóknarverðustu gullsmiða og skartgripahönnuða á Íslandi. Dýrfinna hlaut 1. verðlaun fyrir tískuskartgrip ársins þrjú ár í röð frá ’97-’99.

Dýrfinna fæddist í Reykjavík 1955 en ólst upp á Ísafirði. Hún bjó þar eftir að námi lauk en hún fluttist á Akranes haustið 2001. Dýrfinna nam sitt fag á Akureyri og í Valdres í Noregi þar sem hún lauk meistaranámi í gullsmíði árið 1983.

 

Dýrfinna sagði þegar hún hafði veitt viðurkenningunni viðtöku að sér væri þetta mikill heiður og tilhlökkun. Um leið einnig hvatning, en það fylgir bæjarlistamanninum að halda sýningu í lok árs þar sem afraksturinn verður kynntur. Fráfarandi bæjarlistamaður Akraness er Friðþjófur Helgason ljósmyndari. Á liðnu hausti var sú breyting gerð að tillögu stjórnar Akranesstofu að bæjarlistamaður er nú tilnefndur árlega í stað einu sinni á kjörtímabili bæjarstjórnar áður.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is