Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
19. febrúar. 2010 09:04

Háspenna fyrir bikarúrslitaleik Snæfells og Grindavíkur

Ingi Þór Steinþórsson.
„Það er alveg ljóst að þetta verður háspennuleikur, líkurnar eru hnífjafnar og úrslitin munu ráðast af því hvort liðið nær fram sínum leik. Þetta eru afar jöfn lið, á sömu slóðum í deildinni, og síðast þurfti að framlengja þegar liðin mættust í Grindavík,“ segir Ingi Þór Steinþórsson þjálfari úrvalsdeildarliðs Snæfells. Liðið mætir Grindavík í úrslitaleik Subway bikars karla í Laugardalshöllinni á morgun, laugardaginn 20. febrúar kl. 16. Miðasala er byrjuð á midi.is og er reiknað með að stuðningslið beggja liða fjölmenni í Laugardalshöllina.

 

 

 

Ingi Þór segir sína menn í fínu standi og liðsheildina gríðarlega sterka, einkanlega með komu stóra skotbakvarðarins Martins Bercis og endurkomu Pálma Freys Sigurgeirssonar. Ingi Þór segir að þrátt fyrir að Snæfell hafi af einum bikarmeistaratitli að státa frá því liðið vann Fjölni í hitteðfyrra þá hafi Grindvíkingar sterkari hefð í bikarúrslitum, en menn séu samt ekkert að hugsa um það þegar í úrslitaleik sé komið.

Grindvíkingar hafa fjórum sinnum sigrað í aðalbikarkeppninni í körfuboltanum, Bikarkeppni KKÍ sem nú heitir Subway bikarinn. Það var árin 1995, 1998, 2000 og 2006. Ólafur Jóhannsson körfuboltafrömuður í Grindavík, fyrrverandi leikmaður, faðir tveggja leikmanna liðsins nú og tengdaföður eins, segir Grindvíkinga hafa mjög sterkan feril í úrlitum bikarleikja í Laugardalshöllinni. „Við höfum aldrei tapað bikarúrslitaleik í Höllinni, alltaf unnið. Við vitum samt að komandi leikur verður gríðarlega erfiður. Þetta eru lið sem eiga það sammerkt að spila stórvel á góðum degi en geta svo dottið niður þess á milli. Þess vegna er kannski spennan ennþá meiri,“ segir Ólafur.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is