Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
05. mars. 2010 08:04

Landskjörstjórn minnir á hlutverk sitt

Landskjörstjórn vill koma á framfæri upplýsingum um hlutverk sitt við þjóðaratkvæðagreiðsluna 6. mars næstkomandi og þann viðbúnað sem hún mun hafa á kjördegi. Hlutverk landskjörstjórnar við atkvæðagreiðsluna er skilgreint í lögum nr. 4/2010. Fyrir utan að veita umsögn um dagsetningu atkvæðagreiðslunnar er verkefni landskjörstjórnar samkvæmt lögunum tvíþætt: Hún skipar einstaklinga til að gæta „tveggja ólíkra sjónarmiða við atkvæðagreiðsluna og úrlausn ágreiningsmála,“ eins og það er orðað í lögunum. Landskjörstjórn hefur skipað tólf einstaklinga til að gegna þessu hlutverki, einn fyrir hvora fylkingu í hverju kjördæmi. Hlutverk umboðsmannanna í kjördæmunum svarar til hlutverks umboðsmanna framboðslista samkvæmt 39. gr. laga nr. 24/2000, um kosningar til Alþingis.

Meðfylgjandi er nánari lýsing á verkefnum þeirra og hverjir hafa verið skipaðir til þessara starfa.

Meginhlutverk þeirra er að fylgjast með framkvæmd talningar og ef ágreiningur verður milli yfirkjörstjórnar og umboðsmanna um gildi atkvæðaseðla geta þeir skotið honum til úrskurðar landskjörstjórnar.

 

Að lokinni talningu atkvæða fær landskjörstjórn gerðabækur yfirkjörstjórna ásamt þeim atkvæðaseðlum sem ágreiningur hefur verið um milli yfirkjörstjórnar og umboðsmanna. Landskjörstjórn auglýsir síðan með hæfilegum fyrirvara hvar og hvenær hún kemur saman til að úrskurða um ágreiningsseðlana og lýsa úrslitum þjóðaratkvæðagreiðslunnar. Heimilt er að kæra ólögmæti atkvæðagreiðslunnar til landskjörstjórnar og skulu slíkar kærur sendar landskjörstjórn ekki síðar en tveimur dögum áður en landskjörstjórn kemur saman til að lýsa úrslitum atkvæðagreiðslunnar.

 

Að öðru leyti er framkvæmd atkvæðagreiðslunnar í höndum dómsmála- og mannréttindaráðuneytisins, yfirkjörstjórna, undirkjörstjórna, sýslumanna og sveitarstjórna í samræmi við lög nr. 4/2010 og lög nr. 24/2000.

 

Fyrir utan hið lögmælta hlutverk landskjörstjórnar mun á hennar vegum vera fylgst með talningu atkvæða þegar hún hefst að kvöldi laugardagsins 6. mars og verður haldið utan um tölur sem berast frá yfirkjörstjórnum. Landskjörstjórn mun koma saman á undirbúningsfundi föstudaginn 5. mars kl. 16 og laugardaginn 6. mars kl. 15 í húsakynnum nefndasviðs Alþingis. Þá mun hún enn fremur koma saman kl. 22 að kvöldi laugardagsins til að fylgjast með framvindu talningar.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is