Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
08. mars. 2010 09:15

Pólverjar sigursælir á þriðju Northern Wave hátíðinni

Sigurvegarar í súpukeppninni.
Northern Wave hátíðinni lauk í gær og var hún aldrei betur sótt en í ár. Að sögn Daggar Mósesdóttur var fullt hús nánast allan laugardaginn en talið er að um hundrað manns að jafnaði hafi setið í gegnum þær átta klukkustundir af stuttmyndum sem í boði voru. “Hin mikla fiskisúpuveisla var haldin í Fiskmarkaði Grundarfjarðar á laugardaginn og er óhætt að segja að hún hafi slegið í gegn bæði hjá Grundfirðingum og gestum hátíðarinnar en rúmlega þrjú hundruð manns sóttu veisluna,” segir Dögg. Tólf keppendur tóku þátt í súpukeppninni sem Hrefna Rósa Sætran landsliðskokkur dæmdi. Sigurvegarar urðu þrír ættliðir kvenna frá Grundarfirði, þær Elsa Árnadóttir, Anna María Reynisdóttir og Laufey Lilja Ágústsdóttir.

Á sunnudaginn voru bestu stuttmyndirnar og tónlistarmyndbandið tilkynnt af dómnefndarmeðlimunum, þeim Kristínu Jóhannesdóttur og Ragnari Bragasyni en auk þeirra sat Hilmar Örn Hilmarsson í nefndinni. Fiskmarkaður Íslands, G.Run hf og Soffanías Cecilsson styrktu verðlaunin að upphæð 230.000 kr. Fyrstu verðlaun fékk pólsk stuttmynd að nafi "ECHO" eftir Magnus Von Horn. Önnur verðlaun fóru til Rúnars Rúnarssonar og myndarinnar "Anna." Fyrstu verðlaun í flokki tónlistarmyndbanda fóru til myndbands við lag Emiliönnu Torinni "I've heard it all before" leikstýrt af Kitty Von Sometime og Ali Taylor. Dögg segir að það hafi vakið athygli að þetta er þriðja árið í röð sem pólskir kvikmyndagerðarmenn vinna til verðlauna á Northern Wave en fyrstu tvö árin unnu pólverjar í flokki tónlistarmyndbanda. “Northern Wave vill þakka gestum hátíðarinnar fyrir komuna og Grundfirðingum fyrir sína einstöku gestrisni,” segir Dögg að endingu.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is