Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
09. mars. 2010 01:17

Sýningahöllin í Borgarnesi vígð og gefið nafnið Faxaborg

Fulltrúar eigenda, ráðherra og fleiri gestir.
Á sunnudaginn var nýja sýninga- og reiðhöllin í Borgarnesi formlega vígð og henni gefið nafnið Faxaborg. Sérstök nafnanefnd sem skipuð var hafði auglýst eftir tillögum að nafni og bárust 50 tillögur með 37 nöfnum. Fimmtán manns lögðu til nafnið Faxaborg og var einn vinningshafi dreginn úr þeim hópi, enda nafnanefndin samdóma um að Faxaborg væri gott nafn og viðeigandi á húsið. Sigurvegari varð Björgvin Sigursteinsson og hlaut hann folatoll í verðlaun undir stóðhest á vegum Hrossaræktarsambands Vesturlands.

Í áliti nafnanefndar um Faxaborg segir m.a.:

“Nafnið Faxaborg er vel þekkt um allt land, langt út fyrir raðir hestamanna, en um áratuga skeið voru þar haldin hestamannamót og aðrar samkomur borgfirskra hestamanna. Eins voru þar haldin fyrstu fjórðungsmót á Vesturlandi, það síðasta 1975. Nú hefur öllu mótshaldi hestamanna og annarra verið hætt á þeim stað og þykir nefndarmönnum það einboðið að flytja nafnið á annan stað sem verður væntanlega miðstöð sýninga og skemmtana margskonar um mörg ókomin ár, svipað hlutverk og hin eldri Faxaborg hafði hérna áður fyrr.”

 

Mikið var um dýrðir á vígsludaginn. Hátíðin hófst kl. 15:00 með setningarávarpi Inga Tryggvasonar en síðan sá séra Þorbjörn Hlynur Árnason prófastur um húsblessun. Þá rakti Kristján Gíslason byggingarsögu hússins en síðan fluttu gestir ávörp og ýmis skemmtiatriði. Benedikt Líndal var með töltsýningu og söngelskar hestastelpur frá Hvanneyri komu fram. Þá komu börn og unglingar úr Faxa fram og sýndu listir á gæðingum sínum. Veitingar voru í boði Gæðakokka ehf. í Borgarnesi.

Hin nýja sýninga- og reiðhöll er alls 1.904 fermetrar að stærð og mun gjörbreyta aðstöðu hestamanna á svæðinu auk þess að bjóða upp á fjölbreytta möguleika fyrir sýningar og fleira. 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is