11. mars. 2010 12:03
Á félagsfundi Einingar í Hvalfjarðarsveit í gær var borin upp og samþykkt tillaga uppstillingarnefndar að framboðslista fyrir komandi sveitarstjórnarkosningar. Hallfreður Vilhjálmsson oddviti mun áfram leiða listann. Helsta breyting frá núverandi lista er sú að Hlynur Sigurbjörnsson færist niður í sjöunda sæti, en var í öðru sæti. Arnheiður Hjörleifsdóttir og Stefán Ármannsson færast upp um eitt sæti hvort en Björgvin Helgason verður í fjórða sæti, baráttusæti listans, og færist upp um tvö sæti frá síðustu kosningum. Björgvin er jafnframt formaður skipulags- og byggingarnefndar.
Framboðslistinn verður annars eftirfarandi:
1. Hallfreður Vilhjálmsson
2. Arnheiður Hjörleifsdóttir
3. Stefán Ármannsson
4. Björgvin Helgason
5. Ása Hólmarsdóttir
6. Sara Margrét Ólafsdóttir
7. Hlynur Sigurbjörnsson
8. Ragna Kristmundsdóttir
9. Lára Ottesen
10. Þórdís Þórisdóttir
11. Ásgeir Kristinsson
12. Guðmundur Gíslason
13. Hallgrímur Rögnvaldsson
14. Jón Valgeir Viggósson
Eining er hópur fólks sem bauð fram til sveitarstjórnarkosninga í Hvalfjarðarsveit fyrir fjórum árum undir nafni Sam-Einingar. Listinn náði afgerandi kosningu þá og fékk fjóra menn kjörna og þar með meirihluta í sveitarstjórn. “Sá 14 manna hópur sem myndar framboðslista Einingar fyrir komandi sveitarstjórnarkosningar er sambland reyndra sveitarstjórnarmanna og nýrra einstaklinga sem búa yfir miklum krafti og áhuga á samfélagsmálum í Hvalfjarðarsveit. Samkvæmt samþykktum Einingar er tilgangur félagsins að stuðla að lifandi og gagnrýnni umræðu í Hvalfjarðarsveit um ýmis framfaramál er samfélagið varðar,” segir í tilkynningu frá Einingu.