Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
15. mars. 2010 12:01

Skallagrímur í úrslitin í fyrstu deildinni

Skallagrímsmenn lögðu nágranna sína af Skaganum þegar liðin mættust í Borgarnesi í síðustu umferð 1. deildar Íslandsmótsins í körfubolta á föstudagskvöldið. Með sigrinum tryggði Skallagrímur sér fjórða sæti deildarinnar og þar með sæti í fjögurra liða úrslitakeppni um eitt laust sæti í IE-deildinni. Skallagrímur mætir þar Val, en í hinni úrslitaviðureigninni mætast Haukar og Þór Þorkákshöfn. Ísfirðingar urðu efstir í 1. deildinni og fara því beint upp í IE-deildina.

 

 

 

Rétt eins og í leik liðanna á Akranesi fyrir jólin voru það Skagamenn sem byrjuðu betur og leiddu eftir fyrsta leikhluta. Skallagrímsmenn komu síðan sterkir inn í annan leikhluta og höfðu 11 stiga forskot þegar gengið var til leikhlés, 48:37. Þrátt fyrir að Skallagrímsmenn væru enn með góð tök á leiknum í þriðja leikhluta og kæmust þá mest í 14 stiga mun, komu Skagamenn til baka undir lokin og minnkuðu þá muninn í fimm stig 79:84. En heimamenn reyndust sterkari á lokakaflanum og innbyrtu öruggan sigur 97:84.

Útlendingarnir voru langstigahæstir í liði Skallagríms, Silver Laku skoraði 37 stig og Conrad Tota 34. Óðinn Guðmundsson og Trausti Eiríksson skoruðu sjö stig hvor og Hafþór Ingi Gunnarsson sex. Hjá ÍA voru Hörður Nikulásson og Ómar Örn Helgason stigahæstir með 15 stig hvor.

Skallagrímur mætir Val fyrst á Hlíðarenda og síðan í Borgarnesi. Leikið verður með tveggja daga millibili, líklega á föstudags- og sunnudagskvöld, að sögn Pálma Blængssonar formanns körfuknattleiksdeildar Skallagríms, en ekki var búið að birta leikjaplan nú í byrjun vikunnar.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is