11. febrúar 2016 11:25

Lækkum leiguverð – smá athugasemdir

Í uppsiglingu munu vera umræður á Alþingi um ný húsnæðislög sem lækka eiga leiguverð. Grunnhugmyndin er sú sama og að baki vaxtabóta, að koma með hærri húsaleigubætur til þeirra sem eru á leigumarkaði og minnst hafa úr að spila þannig að greidd húsaleiga þeirra lækki.

Nú er það ekki svo að ég vilji þeim sem minna meiga sín ekki alls hins besta, heldur þvert á móti, það þarf að bæta hag þeirra, með hækkun lægstu launa og bóta, með lægri vöxtum, með bættu húsnæðiskerfi, með lægri sköttum á lægstu laun, með bættri og ódýrari heilbrigðisþjónustu og fleiri þáttum.

En vaxtabætur og húsleigubætur lækka hvorki vexti né húsaleigu. Einungis er skift um greiðanda að hluta reikningsins, þannig að ríkissjóður greiði niður háa vexti og ríkissjóður greiði niður háa húsaleigu.

Að þessar bætur lækki vexti eða leiguverð er ranghugmynd.

En ef til vill geta einstakir þingmenn lifað í þessari sjálfsblekkingu og um leið keypt sér nokkur atkvæði.

Borgarnesi, 10. febrúar 2016.

Guðsteinn Einarsson.