Ísing mun myndast mjög víða á vegum um landið norðan- og norðvestanvert nú þegar kólnar ákveðið í dag. Einkum á fjallvegum, en einnig í byggð, fyrst á Vestfjörðum og vestantil á Norðurlandi. Vindur er að snúast til norðanáttar.  Krapi og síðar éljagangur á Vestfjörðum, en vestantil á Norðurlandi versnar veður um eða skömmu fyrir hádegi með snjómuggu og síðar éljum, krapi til að byrja með í byggð. Þetta á m.a. við um Holtavörðuheiði þar sem gert er ráð fyrir ofankomu um hádegisbil og versnandi skyggni.  Vindur á fjallvegum allt að 10-15 m/s  í Skagafirði og Eyjafirði er reiknað með nokkuð dimmri hríð og kófi um tíma síðdegis, en lagast síðan í kvöld.