Bæjarstjórn Akraness samþykkti samhljóða á fundi sínum sl. þriðjudag að nýta forkaupsrétt sinn að fullu vegna sölu Borgarbyggðar á 0,7% eignarhluta sínum í Faxaflóahöfnum í samræmi við gildandi samþykktir Faxaflóahafna sf. Áætluðu kaupverði, átta milljónum króna, verið mætt með greiðslu úr eignasjóði Akraneskaupstaðar.  Fyrir liggur að Hvalfjarðarsveit og Skorradalshreppur ætla einnig að nýta sér forkaupsrétt í hlutnum sem Borgarbyggð seldi fyrir 75 milljónir til Reykjavíkurborgar. Fyrir þessi viðskipti átti Reykjavíkurborg  75% í Faxaflóahöfnum, Akraneskaupstaður 10,7%, Skorradalshreppur  0,22%, Borgarbyggð 4,84% og Hvalfjarðarsveit  9,24%.