Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Smáauglýsingar

3ja herb Íbúð á Bifröst

3ja herb íbúð,, 65,4 fm. til leigu á Bifröst Íbúðin getur verið laus mjög fljótlega Upplýsing...
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
21. apríl. 2012 09:01

Hvalsveitungur sigraði í Músíktilraunum

Kristján Pálmi Ásmundsson er einn meðlima hljómsveitarinnar Retrobot sem sigraði hina viðfrægu tónlistarkeppni Músíktilraunir 31. mars sl. Kristján er 19 ára og stundar nám við Fjölbrautaskóla Suðurlands á Selfossi og er frá bænum Litla-Lambhagalandi í Hvalfjarðarsveit. Hljómsveitin Retrobot leikur raftónlist á svipuðum nótum og hljómsveitirnar FM Belfast og Justice sem notið hafa vinsælda hérlendis undanfarin ár.  Grunnurinn í raftónlistinni eru taktfastir hljómborðstónar sem eiga rætur sínar að rekja til þess tíma er tónlistarmenn hagnýttu sér meira svokallaða hljóðgervla (e. syntheizers) á níunda áratug síðustu aldar. Kristján sagði í samtali við Skessuhorn að meiri stemning sé í raftónlistinni en annarri músík. Áhorfendur eru líklegri en ella til að dansa og taka þátt í tónleikunum. Af þessum sökum verður skemmtilegra að spila.

Hljómsveitin Retrobot leit dagsins ljós undir lok síðasta árs.

Kristján segist hafa verið í hljómsveitum frá 14 ára aldri og var meðal annars í hljómsveitinni Sendibíll sem tók þátt í Músíktilraunum árið 2008. Þá var raftónlistin ekki komin á dagskrá og léku Sendibílsmenn grínmúsík í anda Baggalúts og Ljótu hálfvitanna. Í Retrobot skipar Kristján stöðu gítarleikara en hann á það til að syngja líka en alls eru fjórir í sveitinni.

Nóg er á döfinni hjá Retrobot liðum á næstu mánuðum. Hljómsveitin mun meðal annars koma fram á stóra sviðinu á 17. júní í Reykjavík, Westerpop tónlistarhátíðinni í Hollandi og loks á Iceland Airwaves hátíðinni í október. Einnig eru á döfinni stakir tónleikar í Reykjavík á næstu vikum og mánuðum.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is