Ljóðaverðlaun Guðmundar Böðvarssonar og Borgfirsk menningarverðlaun voru veitt við hátíðlega athöfn í Snorrastofu í Reykholti sl. laugardag. Minningarsjóður Guðmundar Böðvarssonar skálds og bónda á Kirkjubóli og Ingibjargar Sigurðardóttur eiginkonu hans veitti nú Ljóðaverðlaun Guðmundar Böðvarssonar og Borgfirsk menningarverðlaun í áttunda skipti. Að þessu sinni er Vilborg Dagbjartsdóttir skáld handhafi ljóðaverðlaunanna, en Félag aldraðra í Borgarfjarðardölum var afhent menningarverðlaunin fyrir skráningu örnefna í Borgarfirði.  Böðvar Guðmundsson skáld og sonur Kirkjubólshjóna stýrði samkomunni, Ingibjörg Daníelsdóttir á Fróðastöðum afhenti menningarverðlaunin en Steinunn Jóhannesdóttir rithöfundur afhenti ljóðaverðlaunin. Þær lýstu hvor um sig vali stjórnar sjóðsins.