Leikdeild ungmennafélagsins Íslendings í Borgarfirði frumsýnir leikritið Smáborgarabrúðkaup (A Respectable Wedding) eftir þýska leikritaskáldið Bertolt Brecht. Þetta er gamanleikrit sem gerist í brúðkaupsveislu ungra hjóna. Veislan byrjar vel en síðan fer ýmislegt á annan veg en áætlað var. Þetta er skemmtilegt verk sem kitlar hláturtaugar áhorfenda. Leikarar eru níu, fjórar konur og fimm karlar. Leikstjóri verksins er Ingrid Jónsdóttir. „Leikritið verður fært í nútímalegan búning og staðfært eins og hægt er. Þó að verkið hafi verið skrifað snemma á tuttugustu öldinni þá er vel hægt að heimfæra það upp á nútímann. Sjón er sögu ríkari,“ segir í tilkynningu frá leikdeild umf. Íslendings.