Forsvarsmenn menningarstofnana á Vesturlandi, svo og sveitarstjórnarmenn, eru ekki alltof kátir með úthlutun styrkja til menningarmála á Vesturlandi samkvæmt fjárlögum. Samkvæmt samantekt sem unnin var af markaðsskrifstofu Akranesbæjar úr fjárlögum fyrir árið 2003 eru styrkir til safna á Vesturlandi 10,2 milljónir á árinu. Ef borið er saman við aðra landshluta er Vesturland langlægst. Næst kemur Austurland með 30, milljónir og Vestfirðir með 44,2 milljónir. Styrkir til safna á Norðurlandi eru 54,2 milljónir og söfn á Suðurlandi fá 63,5 milljónir. Af landshlutum utan höfuðborgarsvæðisins eru söfn á Reykjanesi í toppsætinu en þau fá styrki sem nema 73,9 milljónum króna. Söfn í Reykjavík fá síðan langstærsta styrkinn eða samtals 301,3 milljónir
Mörgum þykir að þarna sé verið að mismuna landshlutum gróflega. Á bls. 3 er rætt við Gísla Gíslason, Gísla S Einarsson og Sturlu Böðvarsson.