Frystiskip HB hafa aflað vel fyrstu átta mánuði þessa árs og hefur aflin aldrei verið meiri á sama tímabili. Höfrungur III AK 250 hefur landað 5.887 tonnum eða 870 tonnum meira en á sama tíma í fyrra. Helga María AK 16 hefur skilað 5.811 tonnum 1.984 tonnum meira en á sama tíma í fyrra. Meiri karfaveiði bæði í úthafinu og á hefðbundinni karfaslóð skýrir að mestu þennan aflamun.
Ísfisktogararnir hafa einnig fiskað vel, Sturlaugur H Böðvarsson AK 10 hefur landað 3870 tonnum eða 575 tonnum meira en fyrstu átta mánuði síðasta árs. Haraldur Böðvarsson AK 12 hefur landað 2877 tonnum sem er ívið minna en á sama tíma í fyrra.
Ingunn AK 150 veiddi minna af loðnu en meira af kolmunna frá áramótum til 1. september. Heildaraflin er 54.911 tonn 7.494 minna en í fyrra. Loðnu afli Víkings AK 100 er hinsvegar svipaður milli ára, 38.091 tonn nú í ár.