Þriðjudaginn 8. október næstkomandi hefst á Akranesi námskeið um uppeldi barna með einkenni athyglisbrest og/eða ofvirkni (ADHD). Tilgangur námskeiðsins er að fræða foreldra um áhrif ADHD á tilveru barna og kynna uppeldisaðferðir sem hafa reynst gagnlegar. Mælt er með því að foreldrar mæti báðir. Námskeiðið er hluti af verkefni á vegum Akraneskaupstaðar, sem styrkt er af velferðarráðuneyti, mennta- og menningarmálaráðuneyti og Sambandi íslenskra sveitarfélga. Námskeiðið er 12 klukkustundir og er kennt einu sinni í viku sex skipti samtals, í tvo tíma í senn. Kennt er á þriðjudögum nema fyrstu vikuna, þá er kennt bæði þriðjudag og fimmtudag.