22. desember. 2013 11:06
Í gær voru 38 nemendur brautskráðir frá FVA á Akranesi. Athöfnin fór fram á sal skólans og hófst klukkan 14. Jens B. Baldursson aðstoðarskólameistari flutti annál haustannar og Baldvin Már Kristjánsson nýstúdent flutti ávarp fyrir hönd útskriftarnema. Af þeim 38 sem útskrifuðust voru 18 stúlkur og 20 piltar. Þrír höfðu lokið burtfararprófi af iðnbraut og 35 höfðu lokið stúdentsprófi. Flestir, eða 30, eiga lögheimili á Akranesi. Af hinum átta eru fimm víðsvegar að af Vesturlandi, einn á heimili í Neskaupstað, einn í Garðabæ og einn í Reykjavík. Tónlistarmenn sem fram komu við athöfnina voru Sólveig Rún Samúelsdóttir sem söng við undirleik Birgis Þórissonar og flautuleikararnir Patrycja Szalkowicz, Elsa María Guðlaugsdóttir og Sigrún Ágústa Sigurðardóttir.
Nokkrir útskriftarnemar fengu verðlaun og viðurkenningar fyrir góðan námsárangur og störf að félagsmálum. Nöfn þeirra sem gáfu verðlaun eru innan sviga:
Elísa Svala Elvarsdóttir fyrir ágætan námsárangur í íþróttum (Landsbankinn á Akranesi) og í líffræði (Soroptimistasystur á Akranesi).
Hekla Haraldsdóttir fyrir ágætan námsárangur í efnafræði (Norðurál ehf.) og í þýsku (Íslandsbanki á Akranesi).
Jón Björgvin Kristjánsson fyrir ágætan námsárangur í íþróttum (Rótarýklúbbur Akraness).
Magnús Björn Sigurðsson fyrir ágætan námsárangur í stærðfræði (Endurskoðunarskrifstofa Jóns Þórs Hallssonar).
Sólveig Rún Samúelsdóttir fyrir bestan árangur á stúdentsprófi við Fjölbrautaskóla Vesturlands á haustönn 2013 (Fjölbrautaskóli Vesturlands), fyrir góð störf að félags- og menningarmálum í skólanum (Minningarsjóður Karls Kristins Kristjánssonar) og fyrir ágætan námsárangur í efnafræði (Efnafræðifélag Íslands), íslensku og sögu (Uppheimar), líffræði (Elkem Ísland ehf.) og þýsku (Eymundsson á Akranesi).
Sveinn Kristján Sveinsson fyrir ágætan námsárangur í tölvufræði (Omnis).
Valdimar Ingi Brynjarsson fyrir góð störf að félags og menningarmálum í skólanum (Minningarsjóður Karls Kristins Kristjánssonar) og fyrir ágætan námsárangur í uppeldisfræði (Verkalýðsfélag Akraness).
Valdís Marselía Þórðardóttir fyrir ágætan námsárangur í raungreinum (Gámaþjónusta Vesturlands) og í stærðfræði (GT Tækni ehf.).
Fleiri myndir frá athöfninni munu birtast í Skessuhorni 3. janúar nk.