Föstudaginn 1. maí verður fyrsta umferð Íslandsmótsins í torfæru haldið á Hellu á Suðurlandi. Sindratorfæran, sem þessi fyrsta keppni nefnist, hefst klukkan 13:00. Eknar verða sex brautir og öllu til tjaldað. Um 20 keppendur eru skráðir til leiks og munu þeir etja kappi í ánni og mýrinni auk fleiri staða. Laugardaginn 2. maí hefst keppni klukkan 13:00 en þar er um að ræða 50 ára afmælissýningu þar sem nokkrir af helstu keppendum torfærusögunnar sýna að þeir hafa engu gleymt. Heyrst hefur að menn á borð við Ragnar Skúlason, Benedikt Eyjólfsson, Harald Pétursson, Gísla Gunnar Jónsson, Gunnar Pálma Pétursson, Árna Grant, Jamel Allansson, Einar Gunnlaugsson, Sigurður Þ. Jónsson, Árna Kópsson, Pál Pálsson, Bergþór Guðjónsson og fleiri ætli að mæta og sýna að þeir hafi engu gleymt. Að keppni lokinni kl. 15:00 fer fram fleytingakeppni á ánni þar sem torfærubílar, sleðar, og hjól munu etja kappi sem og reyna að slá hraðamet í vatnaakstri og fleiru til.