Markaðsráð Akraness fundar um vetrarstarfið

1. Heimasíða MRA.
2. Björn Elíson, markaðs- og atvinnufulltrúi kynnti vef MRA. Fór yfir tilgang, sjálfvirka skráningu, póstlista og skráningu fréttapistla og tilkynninga á vefinn. Einnig kynnti hann möguleikann á auglýsingum á vefnum sem og að fundargerðir stjórnar yrðu birtar á vefnum. Hvatt var til að aðilar MRA settu tengingu af sínum vefsvæðum inná vef MRA.

2. Kynning á þjónustu fyrirtækja á Akranesi fyrir stóriðjufyrirtækjum á Grundartanga.
3. Björn skýrði frá áhuga stóriðjufyrirtækjanna á slíkri kynningu en þau óska eftir að slík kynning verði ekki fyrr en í vor þar sem miklar annir séu nú vegna mikilla framkvæmda.

3. Starfið í vetur:
1. Morgunverðarfundir: Björn Elíson sagði frá að fyrsti fundur hefði verið ákveðinn 20. þessa mánaðar og gestur fundarins yrði Guðmundur H. Jónsson framkvæmdastjóri Smáragarðs ehf. en það fyrirtæki er fasteignarfélag Norvikur samsteypunnar (BYKO). Guðmundur mun fjalla um rekstur fasteignafélaga ásamt áform Smáragarðs á Akranesi.
2. Námskeið fyrir MRA félaga. Tómas Guðmundsson fjallaði um fyrirhuguð námskeið í vetur og kom fram að fyrsta námskeiðið er fyrirhugað 3. nóvember. Það námskeið mun fjalla um ræðumennsku, samskipti við fjölmiðla, greinarskrif ofl.
3. Heilsuátak. Tómas Guðmundsson sagði frá samstarfsverkefni á sviði heilsuræktar og heilbrigðra lífshátta sem gefur starfsmönnum fyrirtækja sem eru í MRA kost á sérstökum kjörum og sérstakri þjónustu varðandi heilsurækt. Þetta verkefni verður unnið í samvinnu við íþróttamiðstöðina á Jaðarsbökkum og SHA.
4. Tax free dagar: Guðrún Elsa fór yfir skipulag Tax free daga og kom fram að þeir verða með svipuðu sniði og undanfarin ár.

4. Jólaátak. Guðrún Elsa rakti framkvæmd jólaátaks síðustu ára og jafnframt varpaði hún þeirri spurningu fram hvort ekki væri tími komin á að breyta til varðandi viðburði og annað. Einnig tók Guðrún Elsa það fram að útgáfa viðburðardagatals hefði notið mikilla vinsælda og mælti með því að því yrði haldið áfram. Opnað var fyrir umræður undir þessum lið og tóku fjölmargir til máls og fram komu margar góðar hugmyndir á ábendingar. Stjórn MRA var síðan falið að vinna áfram að málinu og fá fleiri í lið með sér.

5. Önnur mál: Fram komu áhugaverðar hugmyndir um samstarfsmöguleika fyrirtækja á Akranesi og voru málin rædd á þeim nótum fram og til baka.