Borgarlisti – breiðfylking félagshyggjufólks er borinn fram af Samfylkingunni, Vinstri hreyfingunni – grænu framboði og óháðum kjósendum fyrir sveitastjórnarkosningar í sameinuðu sveitarfélagi Borgarbyggðar, Borgarfjarðarsveitar, Hvítársíðuhrepps og Kolbeinsstaðahrepps árið 2006. Listinn var kynntur sl. föstudag. Oddvitasæti hans skipar Finnbogi Rögnvaldsson, bæjarfulltrúi í Borgarnesi og kennari við FVA. Í öðru sæti listans er Sigríður Björk Jónsdóttir, sagnfræðingur, í fjórða sæti er Haukur Júlíusson, framkvæmdastjóri á Hvanneyri og Þór Þorsteinsson, framkvæmdastjóri Nepal skipar fjórða sæti listans. Heiðurssæti listans skipa þaulreyndir sveitarstjórnarmenn, þeir Ásþór Ragnarsson, sálfræðingur og Guðbrandur Brynjólfsson, bóndi. Að sögn Hólmfríðar Sveinsdóttur talsmanns uppstillingarnefndar er gert ráð fyrir að listinn verði auðkenndur með listabókstafnum L.