Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Smáauglýsingar

3ja herb Íbúð á Bifröst

3ja herb íbúð,, 65,4 fm. til leigu á Bifröst Íbúðin getur verið laus mjög fljótlega Upplýsing...
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
24. mars. 2006 12:04

Telja lóðarúthlutun á Akranesi ólöglega

Fyrirtækin Blikkverk sf. og Gísli Jónsson ehf. hafa kært til úrskurðarnefndar skipulags- og byggingarmála úthlutun lóðar við Smiðjuvelli 17 á Akranesi og krefjast þess að úthlutunin verði ógilt. Telja fyrirtækin að flestar reglur sem gilda um úthlutun lóða hafi verið brotnar og ekki hafi verið fylgt vinnureglum sveitarfélagsins eða stjórnsýsluréttarins. Bæjarráð hefur falið lögfræðingi bæjarins að skoða málið nánar.

 

Forsaga málsins er sú, samkvæmt því sem fram kemur í bréfi Garðars Briem hrl. til bæjarráðs, að þann 11. nóvember 2005 sóttu fyrirtækin um lóð við Smiðjuvelli. Var óskað eftir lóð við hlið þeirrar lóðar sem Bónus hefur nú fengið úthlutað en til vara lóð vestan við Bónuslóðina og er nr. 17. Síðar kom í ljós að fyrri lóðin var ætluð til undir verslun og því héldu umsækjendur fast við umsókn um lóð nr. 17.

Á fundi bæjarráðs Akraness þann 9. febrúar 2006 var lóðinni hins vegar úthlutað til Bíláss ehf. „án auglýsingar,“ eins og segir í bréfi Garðars Briem. Þá segir orðrétt í bréfinu: „Hafa umbj. mínir kært þá lóðaúthlutun til úrskurðarnefndar skipulags- og byggingamála enda telja þeir að flestar reglur sem gilda um úthlutun sem þessa hafi verið brotnar. Ekki var fylgt vinnureglum Akraneskaupstaðar við lóðaúthlutunina eða reglum stjórnsýsluréttarins. Þá finnst umbj. mínum ótækt að úthlutað sé lóð án auglýsingar og áður en deiliskipulag er samþykkt til eins aðila án þess að þeim sem eiga umsókn inni hjá bæjaryfirvöldum sé gefinn kostur á lóðinni.“

Í lok bréfins er umsókn fyrirtækjanna ítrekuð „enda telja þeir það víst að lóðaúthlutunin til Bíláss ehf. verði ógilt af úrskurðarnefnd skipulags- og byggingamála“.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is