Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Smáauglýsingar

3ja herb Íbúð á Bifröst

3ja herb íbúð,, 65,4 fm. til leigu á Bifröst Íbúðin getur verið laus mjög fljótlega Upplýsing...
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
24. ágúst. 2006 09:44

Nýr námsvísir Símenntunarmiðstöðvar Vesturlands í burðarliðnum

Inga Sigurðardóttir, sem verið hefur framkvæmdastjóri Símenntunarmiðstöðvarinnar á Vesturlandi undanfarin ár, hefur tekið sér ársfrí frá störfum og sinnir í vetur kennslu við Fjölbrautaskóla Vesturlands. Við starfi hennar þann tíma tekur Inga Dóra Halldórsdóttir  sem áður gegndi stöðu ráðgjafa hjá SMV. Auk Ingu Dóru hefur Guðrún Vala Elísdóttir tekið við nýju starfi náms- og starfsráðgjafa auk þess að sinna almennri ráðgjöf hjá Símenntunarmiðstöðinni.

 

Í tengslum við endurskoðun kjarasamninga var samið um að auknu fjármagni yrði veitt til náms- og starfsráðgjafar á vinnumarkaði og er markhópurinn ófaglærðir á vinnumarkaði sem aðild eiga að ASÍ. Ráðning Guðrúnar Völu er í beinu framhaldi af þessu aukna fjármagni og að sama skapi hefur þjónustan verið aukin hjá öllum símenntundarmiðstöðvunum hér á landi í sama tilgangi. Auk þeirra Ingu Dóru og Guðrúnar Völu er Svava Svavarsdóttir skrifstofustjóri í fullu starfi hjá stofnuninni. Vegna aukinna umsvifa SMV er framundan að skrifstofan flytji, reyndar ekki langt, heldur innan sama húss á Bjarnarbraut 8, en nú á neðri hæð þar sem síðast voru skrifstofur Vesturlandsdeildar Veiðimálastofnunar.

 

Sérsniðið nám að þörfum vinnumarkaðarins

 

Að sögn Ingu Dóru er starfsfólk Símenntunarmiðstöðvarinnar nú að vinna að námsvísi fyrir haustönnina og mun hann fara í dreifingu 5. september nk. Einnig er hægt að kynna sér hvað er í boði á vegum SMV á heimasíðunni: www.simennt.is.

Inga Dórasegir að sem fyrr verði fjölbreytt námskeið í boði í haust og við allra hæfi.  

“Í janúar á þessu ári var undirritaður þjónustusamningur á milli Fræðslumiðstöðvar atvinnulífsins annars vegar og Samtaka atvinnulífsins  og ASÍ hins vegar um aukið  fjármagn til að veita fólki á vinnumarkaði með litla grunnmenntun, innflytjendum og öðrum sambærilegum hópum tækifæri til að efla sér menntunar og styrkja stöðu sína á vinnumarkaði.   Á landsvísu er þessi hópur fólks um 40% af vinnumarkaðnum. Fræðslumiðstöðin hefur verið að móta og semja námsskrár fyrir mismunandi langt nám og ætlar Símenntunarmiðstöðin á Vesturlandi m.a. að bjóða upp á fjórar mismundandi námsleiðir nú á haustönninni.  Meðal annars verður boðið upp á námskeiðið “Aftur í nám” sem fram fer á Akranesi en um er að ræða 95 kennslustunda nám sem ætlað er þeim sem eru að glíma við lestrar- og/eða skriftarörðugleika og er þetta verkefni sem við höfum ekki verið með áður,” segir Inga Dóra.

 

Fyrir Íslendinga sem lengra að komna

 

Líkt og nám sem boðið var upp á í Grundarfirði í vor verður í haust svokallaður Landnemaskóli, en að þessu sinni haldinn í Ólafsvík. Það er sérsniðið nám ætlað fólki af erlendum uppruna til að aðlagast betur íslenskum aðstæðum. Þetta fólk þarf að hafa búið á landinu í nokkurn tíma fyrir nám og því ekki ætlað byrjendum.

Þá verður námskeið í grunnnámi byggingarliða haldið á Akranesi í haust. Um er að ræða þriggja helga nám sem ætlað er 20 ára og eldri sem hafa unnið við húsbyggingar eða framleiðslu- og sölu byggingarvarnings eða gatna- og jarðvinnu í a.m.k. 6 mánuði. Þetta námskeið var haldið í Borgarnesi nú á vordögum og gafst mjög vel.

Grunnnámskeið fyrir skólaliða verður haldið á Snæfellsnesi í haust og er markmið þess að efla í starfi starfsfólk leik- og grunnskóla sem eru án réttinda. Allar þessar námsskrár eru viðurkenndar af menntamálaráðuneytinu og gefa því einingar á framhaldsskólastigi.

“Menntasmiðja kvenna verður í boði í haust og verður námskeiðið að öllum líkindum haldið á Varmalandi í Borgarfirði. Menntasmiðjan er ætluð konum á Vesturlandi og það  hefur sýnt sig að nám í menntasmiðjum hefur virkað hvetjandi til að hefja frekara nám eða þátttöku í atvinnulífinu. Kennslan er í lotum, alls 7 helgar, byrjar á haustönn og teygir sig fram á vorönn 2007,” segir Inga Dóra.

Hún vill að endingu hvetja Vestlendinga til að afla sér upplýsinga um það sem Símenntunarmiðstöðin hyggst bjóða upp á í haust og skrá sig til þátttöku sem fyrst.

Samhliða útgáfu námsvísis SMV þann 5. september nk. munu verða kynntar nánar í Skessuhorni þær námsleiðir sem verða í boði í haust og starfsemi Símenntunarmiðstöðvar Vesturlands.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is