Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Smáauglýsingar

3ja herb Íbúð á Bifröst

3ja herb íbúð,, 65,4 fm. til leigu á Bifröst Íbúðin getur verið laus mjög fljótlega Upplýsing...
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
24. ágúst. 2006 02:24

Kristinn er enn úti í kuldanum hjá Framsókn

Kristinn H. Gunnarsson þingmaður Framsóknarflokksins, í Norðvesturkjördæmi, mun ekki gegna formennsku í neinni þingnefnd á næsta ári, samkvæmt ákvörðun þingflokks Framsóknarflokksins. Á ýmsu hefur gengið í samskiptum Kristins og annarra þingmanna flokksins og hefur oft og tíðum andað köldu þar á milli. Árið 2004 var Kristni vikið úr öllum nefndum þingsins vegna samstarfsörðugleika, en Kristinn hefur ekki alltaf beygt sig undir vald flokksforystunnar. Í febrúar árið 2005 náðust sættir og fullyrðir Kristinn að í því samkomulagi hafi falist að hann mundi aftur fá formennsku í þingnefndum.

 

Síðastliðið þriðjudagskvöld hittist þingflokkurinn, að Kristni undanskildum en hann var erlendis, og skipti með sér verkum í kjölfar breytinga á þingflokknum. Var þar samþykkt að Birkir J. Jónsson yrði formaður fjárlaganefndar, Dagný Jónsdóttir formaður félagsmálanefndar og Guðjón Ólafur Jónsson formaður heilbrigðisnefndar. Kristinn verður varaformaður þriggja nefnda; umhverfis,- landbúnaðar- og sjávarútvegsnefndar. Athygli vekur að fyrir utan Jón Kristjánsson, sem klárlega er á leið úr stjórnmálum, er það bara Sæunn Stefánsdóttir auk Kristins sem ekki fær nefndarformennsku, en hún tekur sæti Halldórs Ásgrímssonar þegar þing kemur saman í haust. Eru þar með ungir og reynslulitlir þingmenn teknir framfyrir Kristinn, sem er fyrrum þingflokksformaður flokksins. Athygli vekur ósamræmi á milli Norðvesturkjördæmis og Norðausturkjördæmis. NV kjördæmi á einn ráðherra, en NA kjördæmi ráðherra og tvo nefndarformenn innan Framsóknarflokksins.

 

Kristinn sagði í samtali við Skessuhorn að þegar samkomulag náðist í febrúar 2005 hafi verið samþykkt að allt yrði með svipuðu sniði og áður en hann var rekin úr nefndum og hann yrði nefndarformaður á ný. Samþykkt hafi verið að framkvæma samkomulagið í áföngum. Nú hafi menn haft þrjú tækifæri til að uppfylla það að fullu en ekki nýtt þau. “Það voru vandkvæði að stokka allt upp á sínum tíma en hefði átt að vera hægt um haustið 2005 og svo aftur þegar ráðherraskipti urðu nú í mars. Nú hafa menn samþykkt þetta svona og þessi hluti samkomulagsins hefur því enn ekki gengið eftir.” Aðspurður segist Kristinn ekki skilja orð Hjálmars Árnasonar sem féllu á Rúv í gær um að ekki væri um afgerandi samkomulag að ræða. “Ég veit ekki hvað það er, er það annars aðila að ákveða hvað er afgerandi? Annars verður Hjálmar að skýra það. Ummæli hans staðfesta hins vegar að samkomulagið var fyrir hendi eins og ég hef alltaf sagt.”

 

Kristinn vill ekki segja að samkomulagið hafi verið brotið, það feli í sér að málinu sé lokið. “Menn hafa enn möguleika á því að uppfylla samkomulagið að fullu og ég vonast eftir því að það muni gerast. Ég geri mér vonir um að í ljósi yfirlýsinga nýkjörins formanns um að hans helsta verkefni sé að jafna ágreining í flokknum, en eins og menn muna voru verulegar deilur í sumar sem ég átti þó ekki aðild að, muni menn leggja sig fram um að ná góðu samkomulagi innan þingflokksins.”

Kristinn segir að nú taki við hefðbundin haustverk við að undirbúa þinghald og fara um kjördæmið. “Síðan verður kjördæmaþing hjá okkur í september og þá munu menn taka ákvörðun um uppstillingaraðferð. Ég hef lýst því yfir að ég muni gefa kost á mér í fyrsta sætið fyrir alþingiskosningarnar í vor,” segir Kristinn að lokum.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is