Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
12. febrúar. 2007 02:06

Snæfell tapaði í Njarðvík

Leikmenn Snæfells sóttu ekki gull í greipar Njarðvíkinga í leik liðanna suður með sjó í gærkvöldi. Leiknum lauk  með sigri Njarðvíkinga sem skoruðu 77 stig gagn 67 stigum Snæfellinga. Er þetta tíundi sigur heimamanna í röð og eru þeir á toppi deildarinnar með 30 stig en Snæfell er í fjórða sæti með 24 stig að loknum 17 umferðum.  Snæfell gerði fyrstu fjögur stig leiksins en heimamenn svöruðu þá með sex stigum í röð og eftir það létu þeir forystuna ekki af hendi. Í stöðunni 8-6 Njarðvík í vil small leikur þeirra grænu saman, bæði í vörn og sókn. Brenton Birmingham var iðinn við að stela boltum og í fjórgang stal hann boltanum í fyrri hálfleik, brunaði upp og skoraði á hinum endanum. Justin Shouse reyndi hvað hann gat til að halda Snæfellingum inni í leiknum á meðan öðrum leikmönnum liðsins gekk verr. 

 

Snemma í síðari hálfleik tóku Snæfellingar að beita svæðisvörn og gekk það þolanlega en Njarðvíkingar héldu þó ávallt um 10 stiga forskoti þar til undir lok þriðja leikhluta. Þá náðu Snæfellingar að minnka muninn í níu stig, 56-47. Snæfellingar hófu fjórða leikhluta af krafti og náðu að minnkan muninn í þrjú stig með þriggja stiga körfu frá Shouse, 56-53. Nær komust þeir þó ekki og þá aðallega fyrir tilstilli Jeb Ivey sem kom Njarðvík í 63-55 og svo 66-59 með tveimur þriggja stiga körfum. Sama hvað Snæfellingar reyndu þá tókst þeim ekki að hrifsa sigurinn úr höndum Njarðvíkinga.

 

Justin Shouse var stigahæstur í liði Snæfells 27 stig, Hlynur Bæringsson skoraði 16 stig,  Ingvaldur Magni Hafsteinsson 12 stig, Sigurður Þorvaldsson 9 og Sveinn Davíðsson skoraði 3 stig.  

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is