Fjallskilanefnd Oddstaðaréttar hefur lagt til að við undirbúnings fjárhagsáætlunar fyrir fjallskilasjóð réttarinnar verði gert ráð fyrir að byggð verði ný Oddstaðarétt.  Í samtali við Skessuhorn sagði Sigurður Jakobsson, einn af nefndarmönnum, að gamla réttin væri ónýt. Menn hefðu verið að velta vöngum yfir því hvað ætti að gera, laga þá gömlu eða fjarlægja hana. Við skoðun hefði ekkert annað komið til en að byggja bara nýja. Veggirnir væru farnir að molna niður og suma væri hægt að mylja milli fingra sinna. „Við erum að koma málinu af stað með þessum hætti. Það var eitthvað tjaslað við réttina í haust en það er ekki framtíðarlausn. Við teljum að ekkert undanfæri sé lengur með að byggja nýja rétt því sú gamla getur einfaldlega farið að vera hættuleg. Hún hefur staðið sig ágætlega, byggð árið 1955 og er með 21 dilk.