Helgina 3. – 5. nóvember munu björgunarsveitir Slysavarnafélagsins Landsbjargar um land allt fara af stað með fjáröflun sem kallast “Neyðarkall frá björgunarsveitum”.  Í dag klukkan 17:00 mun forseti Íslands, hr. Ólafur Ragnar Grímsson, hefja átakið formlega í Smáralind í Kópavogi.

Hagnaður af sölunni mun renna til björgunarsveita, slysavarnadeilda og Slysavarnafélagsins Landsbjargar og verður hann notaður til að efla og styrkja þjálfun björgunarsveitarmanna landsins.