Um hver áramót hittast íbúar Víðigrundar og nágrannar á Akranesi við svokallaða Víðigrundarbrennu. Þessari skemmtilegu hefð hafa íbúar viðhaldið um árabil.  Oft er þetta eina brennan í bænum og því fjölsótt. Brennan hefst með blysför við Víðigrund 1 klukkan 20:30 á gamlárskvöld, ef veður leyfir. Brennukóngur götunnar er Þráinn Sigurðsson.

Eftirfarandi óður til brennukóngsins var ortur í tilefni brennunnar í ár: 

Víst ertu, Þráinn, kóngur klár,

kóngur grundar sérhvert ár,

kóngur brennunnar, kóngur skýr,

kóngur almúgans hjartahlýr.