02. desember. 2008 07:35
 |
Jón og Sigurveig |
Haustfundur Hrossaræktarsambands Vesturlands var haldinn á Hótel Borgarnesi sl. sunnudag. Þar voru kynnt hvaða kynbótahross standa hæst í landshlutanum og hrossaræktarbú Vesturlands 2008 var að vanda verðlaunað. Að þessu sinni kom sú viðurkenning í hlut Skipaskaga, en það er bú hjónanna Jóns Árnasonar og Sigurveigar Stefánsdóttur. Á bak við valið á búinu eru fimm hryssur úr Skipaskagabúinu sem allar náðu yfir 8,0 í aðaleinkunn á árinu. Meðaldómur á þeim var 8,19 og meðalaldur 5,4 ár sem er afar góð frammistaða á svo ungum hrossum og á búinu í heild. Þetta eru hryssurnar Tilvera, Bylgja, Gáta, Sylgja og Rós. Þá fór þriggja vetra folinn Grandi í byggingardóm síðastliðið vor og fékk hann 8,57 einkunn, eins og fram hefur komið í Skessuhorni.
Hæst dæmdu kynbótahrossin á Vesturlandi:
4 vetra hryssa: Sónata frá Stóra Ási í Borgarfirði. Faðir: Stígandi f. Leysingjastöðum II, móðir Nóta f. Stóra Ási, einkunn 8.17. Ræktandi og eigandi: Lára Gísladóttir Stóra Ásiþ
4 vetra hestur: Bruni frá Skjólbrekku. Faðir Kveikur f. Miðsitju, móðir Dagrún f. Skjólbrekku, einkunn 8,16. Ræktandi og eigandi: Sigursteinn Sigursteinsson, Skjólbrekku.
5 vetra hryssa: Ímynd frá Steinsholti. Faðir: Hugi f. Hafsteinsstöðum, móðir: Íris f. Vestri- Leirárgörðum, einkunn 8,28.Ræktandi og eigandi: Sigurður Guðni Sigurðsson, Akranesi.
5 vetra hestur: Arður frá Lundum II. Faðir Skorri f. Gunnarsholti, móðir Auðna f. Höfða, einkunn 8,34. Ræktandi: Sigbjörn Björnsson Lundum II. Eigendur Sigbjörn Björnsson og Ardur HB, Svíþjóð.
6 vetra hryssa: Snilld frá Hellnafelli. Faðir Dynur f. Hvammi, móðir Sóley f. Þorkelshóli, einkunn 8,28. Eigandi: Kolbrún Grétarsdóttir, Grundarfirði.
6 vetra hestur: Auður frá Lundum II, faðir Gauta frá Reykjavík, móðir Auðna f. Höfða, einkunn 8,46. Ræktandi og eigandi: Sigbjörn Björnsson, Lundum II.
7 vetra hryssa: Líf frá Syðstu Fossum. Faðir: Oddur f. Selfossi, móðir Víóletta f. Syðstu-Fossum, einkunn 8,47. Ræktandi og eigandi: Unnsteinn S. Snorrason, Syðstu-Fossum.
7 vetra hestar: Bjarmi frá Lundum II, faðir: Kolfinnur f. Kjarnholtum, móðir Sóley frá Lundum, einkunn 8,43. Ræktandi og eigandi: Ragna Sigurðardóttir Lundum II.
Mikið stóðhestaval næsta sumar
Á haustfundinum kom fram að eftirtaldir stóðhestar verða boðnir til notkunar sumarið 2009 hjá HrossVest. Tekið verður við pöntunum á heimasíðu HrossVest í janúar:
Dynur frá Hvammi, F: Orri f. Þúfu, M: Löpp frá Hvammi.
Hrymur frá Hofi F: Skorri f. Blönduósi, M. Hlökk f. Hólum.
Forseti frá Vorsabæ, F. Hrafn f. Holtsmúla, M: Litla-Jörp f. Vorsabæ.
Kraftur frá Efri Þverá. F. Kolfinnur f. Kjarnholtum, M: Drótt f. Kópavogi.
Blær frá Hesti, F. Gustur f. Hóli, M: Blíð f. Hesti.
Kjarni frá Þjóðólfshaga. F: Andvari f. Ey, M: Kringla f. Kringlumýri.
Möller frá Blesastöðum 1a, F: Falur f. Blesastöðum 1a, M: Perla f. Haga
Þytur frá Skáney, F. Gustur f. Hóli, M. Þóra f. Skáney.
Að lokum er rétt að minna á hina árlegu folaldasýningu HrossVest sem fram fer í Söðulsholti á Snæfellsnesi næstkomandi sunnudag og hefst klukkan 13. Nánar var greint frá sýningunni í Skessuhorni í síðustu viku.