Grundartangi.

Allt tiltækt slökkvilið á Akranesi var kallað út laust fyrir kl. 19 í kvöld en orðið hafði sprenging í FSM framleiðsluhluta Járnblendiverksmiðjunnar á Grundartanga. Slysið varð með þeim hætti að 1.500 gráðu heitur málmur skvettist á gólf og orsakaði sprengingu. Þetta er í þriðja skipti sem slík sprenging verður í þessum hluta Járnblendiverksmiðjunnar á skömmum tíma, sú síðasta varð í lok september. Nú klukkan 19.15 er slökkviliðið enn að kanna vettvanginn þar sem óhappið varð, en framleiðsluhúsið var þegar rýmt í samræmi við viðbúnaðaráætlun sem sett er í gang þegar slíkt óhapp verður.