Eitt verkanna á sýningunni

Gyða L. Jónsdóttir sýnir nú verk sín í anddyri Sjúkrahússins og heilsugæslustöðvarinnar á Akranesi. Flest verka hennar eru gerð á síðastliðnu ári og ber yfirskrift sýningarinnar nafnið - Konur.  “Það er svo margbreytilegt að mála eða móta konur af öllum gerðum,” segir Gyða.  Hún hóf listnám sitt í Myndlista- og handíðaskólanum í Reykjavík en fór eftir það í myndhöggvaranám til London og Kaupmannahafnar auk þess sem hún lærði auglýsingalist í Ameríku. Gyða bjó í London og Kaupmannahöfn í yfir 30 ár og rak fyrirtækið Tessera Designs sem sérhæfði sig í hönnum veggflísa og þá mest fyrir neðanjarðarbrautapalla í London, þar á meðal Kings Cross stöðina, sem var stærsta verkefni Tessera Designs.  Þá hannaði hún flísamyndir fyrir heimili og opinberar stofnanir.  Má nefna höll Soldánsins af Brunai í London, Houses of parliament, Legoland, Dover underpass og Blackfriars underpass.