Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
27. febrúar. 2009 07:53

Grímur býður sig fram í 1. - 2. sæti í NV

Gímur Atlason, sveitarstjóri í Dalabyggð gefur kost á sér í 1.-2. sæti í forvali Vinstri grænna í Norðvesturkjördæmi. Grímur er 38 ára gamall, þroskaþjálfari að mennt og starfaði lengi sem slíkur í Reykjavík og í Danmörku. Þá starfaði hann um skeið við félagsþjónustu hjá Reykjavíkurborg og rak um árabil fyrirtæki sem stóð fyrir tónlekum á vegum fjölmargra innlendra og erlendra tónlistarmanna og heldur hina árlegu tónlistarhátíð Innipúkann í Reykjavík um verslunarmannahelgar. Sumarið 2006 tók Grímur við starfi sem bæjarstjóri í Bolungarvík. Hann er eini bæjarstjórinn  í sögu Bolungarvíkur sem ekki hefur starfað í skjóli Sjálfstæðisflokksins. Frá árinu 2008 hefur Grímur verið sveitarstjóri í Dalabyggð.

 

 

„Ég legg áherslu á fjölbreytni í atvinnulífi á landsbyggðinni og umhverfismál og mun beita mér af afli gegn hugmyndum um olíuhreinsistöð og aðra mengandi stóriðju.  Ég vil að kvótakerfið verði endurskoðað og að kerfi sem byggir upp samfélagið á landsbyggðinni komi í stað fyrir núverandi kerfi  sem er bæði ósjálfbært og hefur sogið kraftinn úr landsbyggðinni mörg undanfarin ár. Tími þess er liðinn.

 

Ég legg áherslu á þau miklu gæði og hlunnindi sem eru fólgin í lífinu á landsbyggðinni. Ég mun áfram beita mér fyrir aukinni fjárfestingu í grunnþjónustu á landsbyggðinni og eflingu félagsþjónustu og landbúnaðar. Það var ekki landsbyggðin sem efndi til ofþenslunnar og það þarf að standa vörð um að landsbyggðin verði ekki látin bera of þungar byrðar á þeim samdráttartímum sem framundan eru,“ segir Grímur.

  

Grímur Atlason var á árum áður virkur í starfi VG í Reykjavík og skipaði 4. sætið á lista flokksins í Reykjavík norður við alþingiskosningarnar 2003.

Þá hefur hann getið sér gott orð sem tónlistarmaður og bassaleikari og er nú um helgina í Bolungarvík að hljóðrita nýja plötu með félögum sínum í hljómsveitinni Ekki þjóðin.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is