05. júní. 2009 02:23
Það er engum ofsögum sagt að mikið er um að vera í Borgarfirði næstu daga á menningar- og afþreyingarsviðinu. Í dag, föstudag, eru ýmsir viðburðir og nægir þar að nefna brautskráningu í Menntaskólanum, afmælishátíð Vilhjálms Einarssonar í Reykholti í kvöld og útsýnisferðir björgunarsveitanna á Langjökul og Surtshelli. Á morgun laugardag heldur síðan veislan áfram með fjölbreyttri dagskrá Útifjörs 2009 sem endar á dansleik í reiðhöllinni í Borgarnesi með Sniglabandinu. Auk þess eru íþróttaleikir, útreiðartúr og sýning í Landnámssetrinu. Einna helst ætti að hafa áhyggjur af því að fólk lenti í valkvíða því menningarflóran hefur sjaldan verið fjölbreyttari.
Hægt er að kynna sér dagskrá helgarinnar hér að neðan:
5. júní kl. 14.00 Fyrsta brautskráning stúdenta frá Menntaskóla Borgarfjarðar – allir velkomnir.
5. júní kl. 20.00 Útifjör: jeppaferð á Langjökul, mæting við skálann Jaka við jökulinn.
5. júní kl. 20.00 Útifjör: skoðunarferð um Surtshelli, mæting við austasta op hellisins.
5. júní kl. 20.00 Brák sýnd í Landnámssetri
5. júní kl. 20.00 Einsöngstónleikar í Borgarneskirkju – Theodóra Þorsteinsd./Ingibjörg Þorsteinsd.
5. júní kl. 20.00 Afmælishátíð Vilhjálms Einarssonar í Reykholti.
6. júní kl. 10.00 Útifjör: Gönguferð á Hafnarfjall. Mæting á gamla rútuplanið.
6. júní kl. 10.00 Útifjör: Gönguferð frá Stóru-Skógum að Jafnaskarðsskógi. Mæting við Stóru- Skóga.
6. júní kl. 10.00 Útifjör: Söguhringur í Borgarnesi, Mæting við Hótel Borgarnes.
6. júní kl. 12.00 Leikur í 3. deild karla: Skallagrímur – Berserkir á Skallagrímsvelli.
6. júní kl. 13.00 Göngur UMSB: Gengið á Þyril. Mæting við tanka Olíudreifingar í Litlasandsdal.
6. júní kl. 13.00 Útreiðartúr Hmf. Skugga í hesthúsahverfinu Vindási. Farið með Gufuá og Langá.
6. júní kl. 14.00 Útifjör: Ratleikur í Jafnaskarðsskógi. Mæting á bílaplan Jafnaskarðsskógar.
6. júní kl. 16.00 Brák sýnd í Landnámssetri
6. júní kl. 20.00 Mr. Skallagrímsson í Landnámssetri (aukasýning).
6. júní kl. 23.00 Útifjör: Dansleikur með Sniglabandinu. Mæting í reiðhöllina í Borgarnesi.
7. júní kl. 13.00 Útifjör: Sigling, grill, þyrla Landhelgisgæslunnar og leikir við Skorradalsvatn.
7. júní kl. 16.00 Tónleikar: Mótettukór Hallgrímskirkju syngur í Reykholtskirkju.
7. júní kl. 20.00 Leikfélag Hólmavíkur sýnir gamanleikinn Viltu finna milljón í Brautartungu