15. júlí. 2009 11:25
 |
Óðinn Sigþórsson. |
Fundur sem haldinn var um þjóðlendumál meðal Snæfellinga í Samkomuhúsinu í Grundarfirði í gærkveldi, var haldinn við þær kringumstæður að fjármálaráðherra hefur nú nýverið ákveðið að a.m.k. tveggja ára hlé verði gert á kröfugerð ríkisins til þjóðlenda. Þetta er ein aðgerð ráðherra vegna ríkisfjármála, væntanlega í því augnamiði að spara peninga en þjóðlendumálin hafa orðið kostnaðarsöm öllum hagsmunaaðilum; ríki, sveitarfélögum og einstaklingum enda fallið um 30 hæstaréttardómar vegna krafna um þjóðlendur. Það var héraðsnefnd Snæfellinga sem gekkst fyrir kynningarfundinum í Grundarfirði í gærkveldi. Þar var fyrir svörum Óðinn Sigþórsson sem unnið hefur að undirbúningi þjóðlendumála fyrir hönd Búnaðarsamtaka Vesturlands og sveitarfélaga á starfssvæði þess, meðal annars með hnitsetningu landamerkja jarða og lands í eigu einstaklinga og sveitarfélaga á svæðinu.
Í spjalli við Skessuhorn fyrir fundinn í gær sagði Óðinn að þessi nýja staða í þjóðlendumálum vekti upp ýmsar spurningar og ljóst sé að hún muni hægja mjög á ferlinu, en búið er að úrskurða um þjóðlendur á um helmingi landsins. Þau svæði sem eftir eru, er Tröllaskaginn, Skagafjörður, Húnavatnssýslur, Vesturland, Vestfirðir og Austfirðir, sem skildir voru eftir þegar úrskurðað var um þjóðlendur á Austurlandi.
Sjá nánar í frétt í Skessuhorni sem kemur út í dag.