27. júlí. 2009 01:06
 |
Grundartangi. Ljósm. Mats |
Stefnt er að því að stækka höfnina á Grundartanga til vesturs um 750 metra, en nú er hún 500 metra löng. Stækkunin verður því hvorki meira ná minna en 150% miðað við núverandi lengd viðlegukantsins. Í tilkynningu frá Skipulagsstofnun kemur fram að framkvæmdin sé ekki líkleg til að hafa í för með sé umtalsverð umhverfisáhrif og er því ekki háð mati á umhverfisáhrifum. Skipulagsstofnun leitaði við undirbúning svars við umsókn frá Faxaflóahöfnum um stækkun, umsagnar frá Hvalfjarðarsveit, Fornleifavernd, Hafró, Heilbrigðiseftirliti Vesturlands, Siglingastofnun og Umhverfisstofnun.
Stækkun hafnarinnar verður unnin í 3-4 áföngum á næstu 10-15 árum og mun fela í sér um 10 hektara landfyllingu. Það þýðir að alls um tvo milljón rúmmetra þarf af efni. Verður það að mestu leyti fengið við uppgröft lóða á iðnaðarsvæðinu en auk þess úr malarnámum á sjó og landi sem hafa starfsfleyfi.
Í tilkynningu Skipulagsstofnunar kemur fram að framkvæmdin verði að öllu leyti innan þynningarsvæðis iðnaðarsvæðisins á Grundartanga.